ਮੋਦੀ ਸਰਕਾਰ ਦਾ ਤੋਹਫਾ! ਹੁਣ ਜੇਈਈ ਮੇਨ ਅਤੇ ਹੋਰ ਪ੍ਰਤਿਯੋਗੀ ਪ੍ਰੀਖਿਆਵਾਂ ਦੇ ਲਈ ਮੁਫਤ ਤਿਆਰੀ ਕਰਵਾਈ ਜਾਵੇਗੀ, ਜਾਣੋ ਵੇਰਵੇ
ਜੇ ਮੇਨ ਫ੍ਰੀ ਕੋਚਿੰਗ: ਜੇਈਈ ਮੇਨ ਸਮੇਤ ਹੋਰ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਵਿਦਿਆਰਥੀ ਫ੍ਰੀ ਵਿੱਚ ਕਰ ਸਕਣਗੇ। ਇਸ ਲਈ ਸਿੱਖਿਆ ਮੰਤਰਾਲਾ 6 ਮਾਰਚ ਨੂੰ ਇੱਕ ਪੋਰਟਲ ਲਾਂਚ ਕਰੇਗਾ।
ਜੇ ਮੇਨ ਫ੍ਰੀ ਕੋਚਿੰਗ: ਜੇਈਈ ਮੇਨ ਸਮੇਤ ਹੋਰ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਵਿਦਿਆਰਥੀ ਫ੍ਰੀ ਵਿੱਚ ਕਰ ਸਕਣਗੇ। ਇਸ ਲਈ ਸਿੱਖਿਆ ਮੰਤਰਾਲਾ 6 ਮਾਰਚ ਨੂੰ ਇੱਕ ਪੋਰਟਲ ਲਾਂਚ ਕਰੇਗਾ।
ਇਸ ਸੰਬੰਧ ਵਿੱਚ ਜਾਣਕਾਰੀ ਯੂਜੀਸੀ ਦੇ ਚੇਅਰਮੈਨ ਜਗਦੀਸ਼ ਕੁਮਾਰ ਨੇ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਕੇਂਦਰੀ ਸਿੱਖਿਆ ਮੰਤਰਾਲੇ ਵੱਲੋਂ ਸਾਥੀ (SATHEE) ਨਾਮਕ ਇੱਕ ਪਲੇਟਫਾਰਮ ਤਿਆਰ ਕੀਤਾ ਗਿਆ ਹੈ। ਜਿਸ ਦੀ ਲਾਂਚਿੰਗ ਸੋਮਵਾਰ ਯਾਨੀ ਕਿ 6 ਮਾਰਚ ਨੂੰ ਕੀਤੀ ਜਾਵੇਗੀ। ਇਸ ਪੋਰਟਲ ‘ਤੇ ਆਈਆਈਟੀ ਅਤੇ ਆਈਆਈਐਸਸੀ ਦੇ ਪ੍ਰੋਫੈਸਰ ਜੇਈਈ ਮੇਨ ਸਮੇਤ ਹੋਰ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਲਈ ਲੈਕਚਰ ਅੱਪਲੋਡ ਕਰਨਗੇ। ਇਸ ਪੋਰਟਲ ਨੂੰ ਆਈਆਈਟੀ ਕਾਨਪੁਰ ਦੀ ਮਦਦ ਨਾਲ ਤਿਆਰ ਕੀਤਾ ਗਿਆ ਹੈ।
ਯੂਜੀਸੀ ਚੇਅਰਮੈਨ ਨੇ ਦੱਸਿਆ ਕਿ ਇਸ ਪਲੇਟਫਾਰਮ ਨੂੰ ਇਸ ਲਈ ਤਿਆਰ ਕੀਤਾ ਗਿਆ ਹੈ, ਤਾਂ ਜੋ ਜੋ ਵਿਦਿਆਰਥੀ ਵਿਪਰੀਤ ਹਾਲਾਤਾਂ ਜਾਂ ਫਿਰ ਆਰਥਿਕ ਤੌਰ ‘ਤੇ ਕਮਜ਼ੋਰ ਪਰਿਵਾਰਾਂ ਤੋਂ ਆਉਂਦੇ ਹਨ ਉਹ ਆਸਾਨੀ ਨਾਲ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਕਰ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਅਕਸਰ ਕੋਚਿੰਙ ਮਹਿੰਗੀ ਹੋਣ ਦੇ ਕਾਰਨ ਆਰਥਿਕ ਤੌਰ ‘ਤੇ ਕਮਜ਼ੋਰ ਪਰਿਵਾਰਾਂ ਦੇ ਬੱਚੇ ਤਿਆਰੀ ਨਹੀਂ ਕਰ ਪਾਉਂਦੇ। ਜਿਸ ਦੇ ਚਲਦੇ ਉਹ ਆਪਣੇ ਸੁਪਨਿਆਂ ਨੂੰ ਪੂਰਾ ਨਹੀਂ ਕਰ ਪਾਉਂਦੇ ਹਨ।
ਐਸੇ ਵਿਦਿਆਰਥੀ ਵੀ ਉੱਚ ਸਿੱਖਿਆ ਆਸਾਨੀ ਨਾਲ ਪ੍ਰਾਪਤ ਕਰ ਸਕਣ ਅਤੇ ਮੁਕਾਬਲੇ ਵਾਲੀਆਂ ਪ੍ਰੀਖਿਆਵਾਂ ਨੂੰ ਕਰੈਕ ਕਰਨ, ਇਸ ਲਈ ਸਾਥੀ ਪੋਰਟਲ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ। ਪੋਰਟਲ ‘ਤੇ ਅੱਪਲੋਡ ਵੀਡੀਓ ਨੂੰ ਵੇਖ ਕੇ ਅਤੇ ਸੁਣ ਕੇ ਬੱਚੇ ਆਸਾਨੀ ਨਾਲ ਤਿਆਰੀ ਕਰ ਸਕਣਗੇ।
ਇਸ ਤੋਂ ਪਹਿਲਾਂ ਯੂਜੀਸੀ ਚੇਅਰਮੈਨ ਨੇ ਯੂਜੀ ਸੀਯੂਈਟੀ ਐਗਜ਼ੈਮ ਫਾਰਮ ਭਰਨ ਲਈ ਹੈਲਪ ਸੈਂਟਰਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਯੂਜੀਸੀ ਵੱਲੋਂ ਹੈਲਪ ਸੈਂਟਰਾਂ ਦੀ ਸਥਾਪਨਾ ਕੀਤੀ ਜਾਵੇਗੀ, ਜਿੱਥੇ ਜਾ ਕੇ ਵਿਦਿਆਰਥੀ ਮੁਫ਼ਤ ਵਿੱਚ ਫਾਰਮ ਭਰ ਸਕਣਗੇ ਅਤੇ ਕਿਸੇ ਵੀ ਕਨਫ਼ਿਊਜ਼ਨ ਨੂੰ ਦੂਰ ਕਰ ਸਕਣਗੇ। ਉਨ੍ਹਾਂ ਕਿਹਾ ਸੀ ਕਿ ਇਨ੍ਹਾਂ ਸੈਂਟਰਾਂ ਦੀ ਜਾਣਕਾਰੀ ਐਨਟੀਏ ਦੀ ਵੈੱਬਸਾਈਟ ‘ਤੇ ਦਿੱਤੀ ਜਾਵੇਗੀ।
ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਦੇਸ਼ ਭਰ ਦੀਆਂ ਸੈਂਟਰਲ ਯੂਨੀਵਰਸਿਟੀਆਂ ਵਿੱਚ ਦਾਖਲੇ ਲਈ ਸੀਯੂਈਟੀ ਦੀ ਪ੍ਰੀਖਿਆ ਆਯੋਜਿਤ ਕੀਤੀ ਜਾਂਦੀ ਹੈ। ਇਸੀ ਸਕੋਰਕਾਰਡ ਦੇ ਆਧਾਰ ‘ਤੇ ਵਿਦਿਆਰਥੀਆਂ ਨੂੰ ਦਾਖਲਾ ਦਿੱਤਾ ਜਾਂਦਾ ਹੈ। ਪਿਛਲੇ ਸਾਲ ਕੁਝ ਯੂਨੀਵਰਸਿਟੀਆਂ ਇਸ ਵਿੱਚ ਸ਼ਾਮਲ ਨਹੀਂ ਹੋਈਆਂ ਸਨ, ਪਰ ਇਸ ਵਾਰ ਲਗਭਗ ਸਾਰੀਆਂ ਸੈਂਟਰਲ ਯੂਨੀਵਰਸਿਟੀਆਂ ਭਾਗ ਲੈ ਰਹੀਆਂ ਹਨ।
BETA
