তুমি কেতিয়াবা মেকুৰী এটা গছত উঠা দেখিছানে? কেতিয়াবা মেকুৰী এটা বেছি ওপৰলৈ উঠি গছত আৱদ্ধ হৈ পৰিব পাৰে। সহায় অবিহনে সেই দুখীয়া জীৱটোৱে নামিব নোৱাৰে। তুমি কেনেকৈ ইয়াক সহায় কৰিবা? নিশ্চয় কবিতাটোৰ দেউতাৰ দৰে নহয়। দেউতা ভাল বগোঁতা নেকি? তেওঁৰ পৰিকল্পনাবোৰ কি আছিল? কবিতাটো পঢ়ি উলিওৱা।

আজি পুৱা মেকুৰী এটা আৱদ্ধ হৈ পৰিল আমাৰ গছত। দেউতাই ক’লে, “ঠিক আছে, এইটো মোৰ ওপৰতে এৰি দিয়া।”

গছজোপা আছিল ঢলঢলীয়া, গছজোপা আছিল ওখ। মায়ে ক’লে, “ভগৱানৰ নামত পৰি নাযাবা!”

“পৰিম?” দেউতাই উপহাস কৰি ক’লে, “মোৰ দৰে বগোঁতাজনে? এইটো শিশুৰ খেল! তুমি চাই থাকা।”

তেওঁ মইনা ঘৰৰ পৰা জখলাখন উলিয়াই আনিলে। সেয়া খহি পৰিল। তেওঁ নামি পৰিল ফুলনিৰ মাজত।

“কিছু নালাগে,” দেউতাই ক’লে, আঁতৰাই দিলে ধূলি তেওঁৰ চুলি আৰু মুখৰ পৰা আৰু তেওঁৰ পেণ্ট আৰু চাৰ্টৰ পৰা,

“আমি পৰিকল্পনা বি চাম। বাটৰ পৰা আঁতৰি থিয় হোৱা!” মায়ে ক’লে, “আকৌ নপৰিবা, ঠিক আছে?”

“আকৌ পৰিম?” দেউতাই ক’লে। “ধেমেলীয়া কৌতুক!” তাৰ পিছত তেওঁ নিজকে দলিয়াই দিলে ওপৰলৈ ডাল এটাত। সেয়া ভাগিল।

দেউতা ধপ্দপ্কৈ নামি পৰিল পিছলৈ চোতালত। মায়ে ক’লে, “থামক, ঘাড় ভাঙি যাব!”

“বাজে কথা!” দেউতাই ক’লে। “এতিয়া আমি পৰিকল্পনা চি চাম। চকুৰ পচাৰতে সিমান সহজ মোৰ দৰে বগোঁতাৰ বাবে!”

তাৰ পিছত তেওঁ ওপৰলৈ উঠিল বাৰীৰ দেৱালত। অনুমান কৰক কি হ’ল? তেওঁ নপৰিল!

তেওঁ ডাঙৰ জাঁপ মাৰিলে আৰু সমতলভাৱে নামি পৰিল গছৰ গুৰিৰ কুহিত ঠিক মেকুৰীটোৰ ওপৰত!

মেকুৰীটোৱে চিঞৰ মাৰিলে আৰু মাটিলৈ জাঁপ মাৰিলে, অতি সন্তুষ্ট হৈ নিঃক্ষত্ৰিয় আৰু সুস্থ হৈ।

গতিকে সি হাঁহি আৰু ফিকিৰ ফিকিৰ কৰি আছে, অতি আত্মসন্তুষ্ট, কিন্তু হায়ৰাণ দেউতা এতিয়াও আৱদ্ধ ওপৰত গছ জোপাত!

শব্দাৱলী

wobbly: অস্থিৰ

for goodness’ sake: প্ৰতিবাদ সূচোৱা আৱেগপূৰ্ণ উক্তি

scoffed: উপহাস কৰি হাঁহিলে

child’s play: কৰিবলৈ অতি সহজ

landed wallop: গধুৰভাৱে পৰিল

pleased as Punch: অতি সন্তুষ্ট

safe and sound: অক্ষত

কবিতাটোৰ সৈতে কাম কৰা

১. দেউতা কিয় নিশ্চিত আছিল যে তেওঁ নপৰিব?

২. কবিতাটোৰ কোনটো বাক্যই দেউতাৰ আত্মবিশ্বাসক সৰ্বোত্তমভাৱে প্ৰকাশ কৰে?

৩. পৰিকল্পনা এ আৰু ইয়াৰ পৰিণামবোৰ বৰ্ণনা কৰা।

৪. পৰিকল্পনা চি সফল হৈছিল। তাৰ পিছত কি ভুল হ’ল?

৫. মেকুৰীটো মাটিত থকাত অতি সুখী আছিল। এই ধাৰণাটো প্ৰকাশ কৰিবলৈ ব্যৱহাৰ কৰা বাক্যশৈলীটো বাছি উলিওৱা।

৬. কবিতাটোৰ আৰম্ভণি আৰু শেষত মেকুৰী আৰু দেউতাৰ অৱস্থা বৰ্ণনা কৰা।

৭. দেউতাই কিয় আৰু কেতিয়া তলত দিয়াবোৰ কৈছিল?

(i) পৰিম?

(ii) কিছু নালাগে

(iii) ধেমেলীয়া কৌতুক

(iv) বাজে কথা

৮। তুমি কবিতাটো হাস্যৰসাত্মক বুলি ভাবানে? যি শাৰীবোৰে তোমাক হাঁহুৱায় সেয়া মাতি পঢ়া।

তুমি জানানে….

যদি তুমি গছ-গছনিক মৰম দেখুওৱা বা শাস্ত্ৰীয় সংগীত শুনুৱা, সিহঁতে ভালদৰে বাঢ়ে। এইটো সঁচা নেকি?